- Album Intro
- Lyrics
- Album list
鐘綺
-
你無孤單
Lyricist:鐘綺、亦辰兒 Composer:鐘綺
你講你最近壓力真大 需要陪伴 做你講 我會坐踮遮 斟酌聽 聽你講世界有外大 好空的怎樣攏是別人咧捀
你講你無論有外拍拚 攏無較縒 你毋知影 別人嘛是寬寬走揣生活 現實討趁雖然會揣無岸 也是會有希望
可愛的你 其實你並無孤單 每一个人行的路 本來就無仝 看你揹著的かばん 物件無濟 嘛無欠啥
可愛的你 有上善良的心肝 不時愛看顧 心內彼个囡仔 我相信有一工 你會知影 當作無效的拍拚 你到遮
你講永遠無人會了解 奢颺的夢 就算我有喙講甲無瀾 嘛袂變卦 我講世界雖然真大 天公伯啊總有一工會相疼痛
你講你已經等有夠久 這是按怎 我共你講 這就是人生的過程矣 這个社會雖然遐爾青紅 咱會使作伙擔
可愛的你 其實你並無孤單 每一个人行的路 本來就無仝 看你揹著的かばん 雖然輕輕 你步步輕鬆
可愛的你 有上善良的心肝 不時愛看顧 心內彼个囡仔 我相信有一工 你會知影 甜蜜編織著苦澀 互相依偎
------------------------------------------
21006/《你無孤單》Lí Bô Koo-tuann 鐘綺Tsing Khì
你講你 lí kóng lí 最近壓力真大 tsuè-kīn ap-li̍k tsin tuā 需要陪伴 su-iàu puê-phuānn 做你講 tsò lí kóng 我會坐踮遮 guá ē tsē tiàm tsia 斟酌聽 tsim-tsiok thiann 聽你講世界有偌大 thiann lí kóng sè-kài ū guā tuā 好空的 hó-khang--ê 怎樣攏是別人咧捀 tsuánn-iūnn lóng-sī pa̍t-lâng teh phâng
你講你 lí kóng lí 無論有偌拍拚 bô-lūn ū guā phah-piànn 攏無較縒 lóng bô-khah-tsua̍h 你毋知影 lí m̄ tsai-iánn 別人嘛是 pa̍t-lâng mā sī 寬寬仔走揣生活 khuann-khuann-á tsáu-tshuē sing-ua̍h 現實討趁 hiān-si̍t thó-thàn 雖然會揣無岸 sui-jiân ē tshuē-bô huānn 也是會有希望 iā-sī ē ū hi-bāng
可愛的你 khó-ài ê lí 其實你並無孤單 kî-si̍t lí pīng bô koo-tuann 每一个人行的路 Find more lyrics at ※ Mojim.com muí tsi̍t-ê lâng kiânn ê lōo 本來就無仝 pún-lâi tiō bô-kāng 看你揹著的kha-báng khuànn lí phāinn tio̍h ê kha-báng 物件無濟 mi̍h-kiānn bô tsuē 嘛無欠啥 mā bô khiàm siánn
可愛的你 khó-ài ê lí 有上善良的心肝 ū siōng siān-liông ê sim-kuann 不時愛看顧 put-sî ài khuànn-kòo 心內彼个囡仔 sim-lāi hit ê gín-á 我相信有一工 guá siong-sìn ū-tsi̍t-kang 你會知影 lí ē tsai-iánn 當做無效的拍拚 tòng-tsuè bô-hāu ê phah-piànn 𤆬你到遮 tshuā lí kàu tsia
你講永遠無人會了解 lí kóng íng-uán bô-lâng ē liáu-kái 奢颺的夢 tshia-iānn ê bāng 就算我 tiō-sǹg guá 有喙講甲無瀾 ū tshuì kóng kah bô nuā 嘛袂變卦 mā bē piàn-kuà 我講世界雖然真大 guá kóng sè-kài sui-jiân tsin tuā 天公伯仔 thinn-kong-peh--á 總有一工 tsóng ū-tsi̍t-kang 會相疼痛 ē sio thiànn-thàng
你講你已經等有夠久 lí kóng lí í-king tán ū-kàu kú 這是按怎 tse sī-án-tsuánn 我共你講 guá kā lí kóng 這就是人生的過程啊 tse tiō-sī jîn-sing ê kuè-thîng--ah 這个社會 tsit ê siā-huē 雖然遐爾青紅 sui-jiân hiah-nī tshinn-âng 咱會使做伙擔 lán ē-sái tsò-hué tann
可愛的你 khó-ài ê lí 其實你並無孤單 kî-si̍t lí pīng bô koo-tuann 每一个人行的路 muí tsi̍t-ê lâng kiânn ê lōo 本來就無仝 pún-lâi tiō bô-kāng 看你揹著的kha-báng khuànn lí phāinn tio̍h ê kha-báng 雖然輕輕 sui-jiân khin-khin 你步步輕鬆 lí pōo-pōo khin-sang
可愛的你 khó-ài ê lí 有上善良的心肝 ū siōng siān-liông ê sim-kuann 不時愛看顧 put-sî ài khuànn-kòo 心內彼个囡仔 sim-lāi hit ê gín-á 我相信有一工 guá siong-sìn ū-tsi̍t-kang 你會知影 lí ē tsai-iánn 甜蜜編織著苦澀 tinn-bi̍t pian-tsit tio̍h khóo-siap 互相依倚 hōo-siong i-uá
- Special thanks to W.B. Chen for correcting the lyric.
- Related Links: W.B. Chen
|