- Album Intro
- Lyrics
- Album list
- Singer Intro
美秀集團
-
生活袂曉過
Lyricist:狗柏 Composer:狗柏
欲去佗位揣咱的眠夢 到佗位也係一場空 滿腹的熱情擱會當擋幾冬 趁這嘛放棄真正會較輕鬆 欲去佗位揣咱的眠夢 到佗位也係一場空 無情的夢害我醉茫茫 撫甲我做無翁也擱食無麭
生活袂曉過 萬事袂得過 恭喜你扗佇這個社會 走傱的少年欸真歹勢 這世界毋欠你一個 生活袂曉過 萬事袂得過 天公伯仔你哪毋講話 敢係疼我疼甲傷超過 才會予我遮濟創治家己的機會
免去佗位揣咱的眠夢 到佗位也係一場空 人生若親像電影來搬 噗仔聲了後也係分頭煞 免去佗位揣咱的眠夢 到佗位也係一場空 煙火較放也係比袂過黑暗 陪我唱歌的猶擱係我一人
生活袂曉過 萬事袂得過 恭喜你扗佇這個社會 走傱的少年欸真歹勢 這世界毋欠你一個 生活袂曉過 萬事袂得過 天公伯仔你哪毋講話 敢係疼我疼甲傷超過 才會予我遮濟創治家己的機會機會
------------------------------------------
《生活袂曉過》Sing-ua̍h Bē-hiáu Kuè 美秀集團Bí-siù Tsi̍p-thuân
欲去佗位揣咱的眠夢 beh khì tó-uī tshuē lán ê bîn-bāng 到佗位也是一場空 kàu tó-uī iā-sī tsi̍t-tiûnn khang 滿腹的熱情 muá-pak ê jia̍t-tsîng 閣會當擋幾冬 koh ē-tàng tòng kuí tang 趁這馬放棄 thàn tsit-má hòng-khì 真正會較輕鬆 tsin-tsiànn ē khah khin-sang
欲去佗位揣咱的眠夢 beh khì tó-uī tshuē lán ê bîn-bāng 到佗位也是一場空 kàu tó-uī iā-sī tsi̍t-tiûnn khang 無情的夢 bô-tsîng ê bāng 害我醉茫茫 hāi guá tsuì-bâng-bâng 舞甲我做無翁 bú kah guá tsò bô ang 猶閣食無麭 iáu-koh tsia̍h bô phàng
生活袂曉過 sing-ua̍h bē-hiáu kuè 萬事袂得過 bān-sū bē-tit kuè Find more lyrics at ※ Mojim.com 恭喜你扗佇這個社會 kiong-hí lí tshāi tī tsit ê siā-huē 走傱的少年的真歹勢 tsáu-tsông ê siàu-liân--ê tsin pháinn-sè 這世界毋欠你一個 tse sè-kài m̄-khiàm lí tsi̍t-ê
生活袂曉過 sing-ua̍h bē-hiáu kuè 萬事袂得過啊 bān-sū bē-tit kuè--ah 天公伯仔你哪毋講話 thinn-kong-peh--á lí ná m̄ kóng-uē 敢是疼我疼甲傷超過 kám-sī thiànn guá thiànn kah siunn tshiau-kuè 才會予我遮濟 tsiah-ē hōo guá tsiah tsē 創治家己的機會 tshòng-tī ka-kī ê ki-huē
免去佗位揣咱的眠夢 bián khì tó-uī tshuē lán ê bîn-bāng 到佗位也是一場空 kàu tó-uī iā-sī tsi̍t-tiûnn khang 人生若親像電影來搬 jîn-sing nā tshin-tshiūnn tiān-iánn lâi puann 噗仔聲了後也是分頭煞 pho̍k-á-siann liáu-āu iā-sī hun-thâu suah
免去佗位揣咱的眠夢 bián khì tó-uī tshuē lán ê bîn-bāng 到佗位也是一場空 kàu tó-uī iā-sī tsi̍t-tiûnn khang 煙火較放 ian-hué khah pàng 也是比袂過烏暗 iā-sī pí bē kuè oo-àm 陪我唱歌的 puê guá tshiùnn-kua--ê 又閣是我一人 iū-koh sī guá tsi̍t-lâng
生活袂曉過 sing-ua̍h bē-hiáu kuè 萬事袂得過 bān-sū bē-tit kuè 恭喜你扗佇這個社會 kiong-hí lí tshāi tī tsit ê siā-huē 走傱的少年的真歹勢 tsáu-tsông ê siàu-liân--ê tsin pháinn-sè 這世界毋欠你一個 tse sè-kài m̄-khiàm lí tsi̍t-ê
生活袂曉過 sing-ua̍h bē-hiáu kuè 萬事袂得過啊 bān-sū bē-tit kuè--ah 天公伯仔你哪毋講話 thinn-kong-peh--á lí ná m̄ kóng-uē 敢是疼我疼甲傷超過 kám-sī thiànn guá thiànn kah siunn tshiau-kuè 才會予我遮濟 tsiah-ē hōo guá tsiah tsē 創治家己的機會 tshòng-tī ka-kī ê ki-huē 機會 ki-huē
- Special thanks to W.B. Chen for correcting the lyric.
- Related Links: W.B. Chen
|