- Lyrics
- Album list
鳳琴
-
大海的彼爿
Lyricist:王信智 Composer:廖大森
今暗的月娘遐爾圓 天頂水色遐爾仔清 偏偏啊海風逐工來創治 閣再提醒阮思念著你
親愛的你的心即嘛佇佗位 乎我過一工親像過一年 定定啊為你為你來失神 思念的空喙袂堅疕
大海的彼爿有阮熟似的聲音 大海的彼爿有阮秧望的笑面 等你轉來的春天 牽手鬥陣來團圓 海水淹滿阮目墘 大海的彼爿毋管海湧外冰冷 大海的彼爿浮浮沉沉袂喘氣 請海風將阮心意 送去大海彼一爿 我尚親愛的你
------------------------------------------
16996/《大海的彼爿》Tuā-hái ê Hit-pîng 鳳琴Hōng-khîm
盈暗的月娘遐爾圓 îng-àm ê gue̍h-niû hiah-nī înn 天頂水色遐爾仔清 thinn-tíng tsuí-sik hiah-nī-á tshing 偏偏啊 phian-phian--ah 海風逐工來創治 hái-hong ta̍k-kang lâi tshòng-tī 閣再提醒阮 koh-tsài thê-tshínn gún 思念著你 su-liām tio̍h lí
親愛的 tshin-ài--ê 你的心 lí ê sim 這馬佇佗位 tsit-má tī tó-uī 予我過一工 Find more lyrics at ※ Mojim.com hōo guá kuè tsi̍t-kang 親像過一年 tshin-tshiūnn kuè tsi̍t-nî 定定啊為你 tiānn-tiānn--ah uī lí 為你咧來失神 uī lí teh lâi sit-sîn 思念的空喙 su-liām ê khang-tshuì 袂堅疕 buē kian-phí
大海的彼爿 tuā-hái ê hit-pîng 有阮熟似的聲音 ū gún si̍k-sāi ê siann-im 大海的彼爿 tuā-hái ê hit-pîng 有阮向望的笑面 ū gún ǹg-bāng ê tshiò-bīn 等你轉來的春天 tán lí tńg--lâi ê tshun-thinn 牽手鬥陣來團圓 khan-tshiú tàu-tsūn lâi thuân-înn 海水淹滿阮目墘 hái-tsuí im buán gún ba̍k-kînn
大海的彼爿 tuā-hái ê hit-pîng 毋管海湧偌冰冷 m̄-kuán hái-íng guā ping-líng 大海的彼爿 tuā-hái ê hit-pîng 浮浮沉沉袂喘氣 phû-phû-tîm-tîm buē tshuán-khuì 請海風將阮心意 tshiánn hái-hong tsiong gún sim-ì 送去大海彼一爿 sàng khì tuā-hái hit tsi̍t-pîng 我上親愛的你 guá siōng tshin-ài ê lí
- Special thanks to W.B. Chen for correcting the lyric.
- Related Links: W.B. Chen
|