- Album Intro
- Lyrics
- Album list
李兆麟
-
爸爸媽媽
Lyricist:李兆麟 Composer:李兆麟
人生行到這 擱求啥? 愛情 事業 拍仔聲? 是恁晟養我一步一步向前行, 無恁就無我,爸爸媽媽⋯⋯。 人生行到這 擱欠啥? 富貴 榮華還是名聲? 是恁栽培我一步一步向前行, 無恁就無我爸爸媽媽⋯⋯。 唱到這,目屎哪針煨我心肝, 我哪無好好 照顧恁的生活, 天公伯啊,擱給阮ㄧ拜機會啦! 我袂擱再乎恁 感覺孤單。
人生走到這擱想啥? 某兒、時間還是生命? 是恁牽成我一步一步向前走, 有恁才有我,爸爸媽媽...。
唱到這,目屎哪針煨我心肝, 我哪無好好 照顧恁的生活, 天公伯啊,擱給阮ㄧ拜機會啦! 我袂擱再乎恁 感覺孤單。 唱到這,目屎哪針煨我心肝, 我咁擱是 恁心內那個心肝啊仔, 天公伯啊,擱給阮ㄧ拜機會啦! 我袂擱再乎恁 感覺孤單。
這拜的機會,我袂歸工無閒刺插, 我會乖乖惦恁身邊陪伴。
唱到這,目屎哪針煨我心肝, 我咁擱是 恁心內那個 心肝啊仔, 天公伯啊,擱給阮ㄧ拜機會啦! 我會乖乖有孝恁乎恁依靠。 逐天陪恁走走,煮好料的乎恁來吃, 我親愛的爸爸媽媽!
------------------------------------------
23719/《爸爸媽媽》Pá-pah Má-mah 李兆麟Lí Tiāu-lîn
人生行到遮 jîn-sing kiânn kah tsia 閣求啥 koh kiû siánn 愛情事業噗仔聲 ài-tsîng sū-gia̍p pho̍k-á-siann 是恁晟養我 sī lín tshiânn-ióng guá 一步一步向前行 tsi̍t-pōo-tsi̍t-pōo hiòng-tsiân kiânn 無恁就無我 bô lín tiō bô guá 爸爸媽媽 pá-pah má-mah
人生行到遮 jîn-sing kiânn kah tsia 閣欠啥 koh khiàm siánn 富貴榮華抑是名聲 hù-kuì îng-huâ ia̍h-sī miâ-siann 是恁栽培我 sī lín tsai-puê guá 一步一步向前行 tsi̍t-pōo-tsi̍t-pōo hiòng-tsiân kiânn 無恁就無我 bô lín tiō bô guá 爸爸媽媽 pá-pah má-mah
唱到遮 tshiùnn kah tsia 目屎若針揻阮心肝 ba̍k-sái ná tsiam ui gún sim-kuann 我哪無好好 guá ná bô hó-hó 照顧恁的生活 tsiàu-kòo lín ê sing-ua̍h 天公伯仔 thinn-kong-peh--á 閣予阮一擺機會啦 Find more lyrics at ※ Mojim.com koh hōo gún tsi̍t-pái ki-huē--lah 我袂閣再予恁 guá buē koh-tsài hōo lín 感覺孤單 kám-kak koo-tuann
人生行到遮 jîn-sing kiânn kah tsia 閣想啥 koh siūnn siánn 某囝時間抑是性命 bóo-kiánn sî-kan ia̍h-sī sìnn-miā 是恁牽成我 sī lín khan-sîng guá 一步一步向前行 tsi̍t-pōo-tsi̍t-pōo hiòng-tsiân kiânn 有恁才有我 ū lín tsiah ū guá 爸爸媽媽 pá-pah má-mah
唱到遮 tshiùnn kah tsia 目屎若針揻阮心肝 ba̍k-sái ná tsiam ui gún sim-kuann 我哪無好好 guá ná bô hó-hó 照顧恁的生活 tsiàu-kòo lín ê sing-ua̍h 天公伯仔 thinn-kong-peh--á 閣予阮一擺機會啦 koh hōo gún tsi̍t-pái ki-huē--lah 我袂閣再 guá buē koh-tsài 予恁感覺孤單 hōo lín kám-kak koo-tuann
唱到遮 tshiùnn kah tsia 目屎若針揻阮心肝 ba̍k-sái ná tsiam ui gún sim-kuann 我敢閣是恁心內 guá kám koh sī lín sim-lāi 彼个心肝仔囝 hit ê sim-kuann-á-kiánn 天公伯仔 thinn-kong-peh--á 閣予阮一擺機會啦 koh hōo gún tsi̍t-pái ki-huē--lah 我袂閣再予恁 guá buē koh-tsài hōo lín 感覺孤單 kám-kak koo-tuann
這擺的機會 tsit-pái ê ki-huē 我袂規工無閒𩑾插 guá buē kui-kang bô-îng tshih-tshah 我會乖乖 guá ē kuai-kuai 踮恁身邊陪伴 tiàm lín sin-pinn puê-phuānn
唱到遮 tshiùnn kah tsia 目屎若針揻阮心肝 ba̍k-sái ná tsiam ui gún sim-kuann 我敢閣是恁心內 guá kám koh sī lín sim-lāi 彼个心肝仔囝 hit ê sim-kuann-á-kiánn 天公伯仔 thinn-kong-peh--á 閣予阮一擺機會啦 koh hōo gún tsi̍t-pái ki-huē--lah 我會乖乖有孝恁 guá ē kuai-kuai iú-hàu lín 予恁依倚 hōo lín i-uá
逐工陪恁行行 ta̍k-kang puê lín kiânn-kiânn 煮好料的 tsú hó-liāu--ê 予恁來食 hōo lín lâi tsia̍h 我親愛的爸爸媽媽 guá tshin-ài ê pá-pah má-mah
- Special thanks to W.B. Chen for correcting the lyric.
- Related Links: W.B. Chen
|