- Lyrics
- Album list
- Singer Intro
廖博儀
-
肉粽
Lyricist:廖博儀 Composer:廖博儀 Arranger:廖博儀 演唱:YiYi
(A) 南部ㄟ肉粽有土豆仁 圓ㄟ糯米 要先泡過 生米甲粽葉啊 包好用煮ㄟ 卡好保存 氣味擱昧走去 北部ㄟ肉粽有鹹鴨蛋 長ㄟ糯米 要先炒過 熟米甲粽葉啊 昧吃ㄟ時用炊ㄟ 粽葉啊ㄟ香 才會走入去內底
(副歌) 南粽煮 北粽炊 有麻糬ㄟ黏 有油飯ㄟ香 不管蝦米口感 乎我變成大胃王
(B) 南部ㄟ肉粽大擱黏 口味重鹹 材料真濟項 一粒肉粽 包到一斤重 殷係大方熱情 南部ㄟ人 北部ㄟ肉粽小擱香 口味清爽 米真Q鬆 一粒肉粽 做法係真搞工 殷係有內才 北部ㄟ人
(副歌) 南粽煮 北粽炊 有麻糬ㄟ黏 有油飯ㄟ香 不管蝦米口感 乎我變成大胃王
南粽煮 北粽炊 共款攏係粽 共款吃空空 不管伊係大粒小粒 攏有伊愛護ㄟ人 南粽煮 北粽炊 互相交流 互相品香 不管伊係住底都偎 攏是咱台灣人
------------------------------------------
21011/《肉粽》Bah-tsàng 廖博儀Liāu Phok-gî
南部的肉粽 lâm-pōo ê bah-tsàng 有塗豆仁 ū thôo-tāu-jîn 圓的秫米 înn ê tsu̍t-bí 愛先泡過 ài sing phàu--kuè 生米佮粽葉仔 tshenn-bí kah tsàng-hio̍h-á 包好用煮的 pau hó iōng tsú--ê 較好保存 khah hó pó-tsûn 氣味閣袂走去 khì-bī koh bē tsáu--khì
北部的肉粽 pak-pōo ê bah-tsàng 有鹹鴨卵 ū kiâm-ah-nn̄g 長的秫米 tn̂g ê tsu̍t-bí 愛先炒過 ài sing tshá--kuè 熟米佮粽葉仔 si̍k bí kah tsàng-hio̍h-á 欲食的時 beh tsia̍h ê sî 用炊的 iōng tshue--ê 粽葉仔的芳 tsàng-hio̍h-á ê phang 才會走入去內底 tsiah ē tsáu ji̍p-khì lāi-té
Find more lyrics at ※ Mojim.com 南粽煮 lâm tsàng tsú 北粽炊 pak tsàng tshue 有麻糍的黏 ū muâ-tsî ê liâm 有油飯的芳 ū iû-pn̄g ê phang 毋管啥物口感 m̄-kuán siánn-mih kǒugǎn 予我變成大胃王 hōo guá biànchéng dàwèiwáng
南部的肉粽 lâm-pōo ê bah-tsàng 大閣黏 tuā koh liâm 口味重鹹 kháu-bī tāng-kiâm 材料真濟項 tsâi-liāu tsin tsē hāng 一粒肉粽 tsi̍t-lia̍p bah-tsàng 包甲一斤重 pau kah tsi̍t-kin tāng 怹是大方熱情 in sī tāi-hong jia̍t-tsîng 南部的人 lâm-pōo ê lâng
北部的肉粽 pak-pōo ê bah-tsàng 細閣芳 sè koh phang 口味清爽 kháu-bī qīngshuǎng 米真𩚨鬆 bí tsin khiū-sang 一粒肉粽 tsi̍t-lia̍p bah-tsàng 做法是真厚工 tsò-huat sī tsin kāu-kang 怹是有內才 in sī ū lāi-tsâi 北部的人 pak-pōo ê lâng
南粽煮 lâm tsàng tsú 北粽炊 pak tsàng tshue 有麻糍的黏 ū muâ-tsî ê liâm 有油飯的芳 ū iû-pn̄g ê phang 毋管啥物口感 m̄-kuán siánn-mih kǒugǎn 予我變成大胃王 hōo guá biànchéng dàwèiwáng
南粽煮 lâm tsàng tsú 北粽炊 pak tsàng tshue 仝款攏是粽 kāng-khuán lóng-sī tsàng 仝款食空空 kāng-khuán tsia̍h khang-khang 毋管伊是大粒細粒 m̄-kuán i sī tuā-lia̍p sè-lia̍p 攏有伊愛護的人 lóng ū i ài-hōo ê lâng
南粽煮 lâm tsàng tsú 北粽炊 pak tsàng tshue 互相交流 hōo-siong kau-liû 互相鼻芳 hōo-siong phīnn-phang 毋管伊是蹛佇佗位 m̄-kuán i sī tuà tī tó-uī 攏是咱臺灣人 lóng-sī lán Tâi-uân-lâng
- Special thanks to W.B. Chen for correcting the lyric.
- Related Links: W.B. Chen
|