- Album Intro
- Lyrics
- Album list
- Singer Intro
謝銘祐
-
老兮啊
Lyricist:謝銘祐 Composer:謝銘祐
若無將青春攏寄佇你遐 敢會較好命? 囡仔也大漢 厝變旅社 你賰狗佮我
喙邊咬著薰 沙眯望窗外 飛去佗位啦? 幸福是一軀穿久的衫 用生活補的彼領
老兮啊! 暗頓欲食啥? 我有炕一坩滷肉 食飽你著陪阮來公園行行咧 順紲來去配你的目鏡
老兮啊! 你目頭一結 毋免講我攏知影 歡喜艱苦拖磨遮人生的債 當時會收煞? 你藥仔敢食矣?
老兮啊! 你早起一直揣無的彼領獵裝 我想起來矣! 四、五冬前咱細漢兮吵欲欲 你著予伊矣! 看你揣徦氣怫怫, 敢若囡仔咧! 你最近的血壓小可較夯哦! 愛較注意一下 莫予我不時佇你邊仔踅踅唸 我是恁某, 毋是恁老母, 知無? 啊! 好來睏矣!
------------------------------------------
《老的啊》Lāu--ê-ah 謝銘祐Siā Bîng-iū
若無將青春 nā bô tsiong tshing-tshun 攏寄佇你遐 lóng kià tī lí hia 敢會較好命 kám ē khah hó-miā 囡仔也大漢 gín-á iā tuā-hàn 厝變旅社 tshù piàn lú-siā 你賰狗佮我 lí tshun káu kah guá
喙邊咬著薰 tshuì-pinn kā-tio̍h hun 沙微望窗外 sa-bui bāng thang-guā 飛去佗位啦 pue khì tó-uī--lah 幸福是一軀穿久的衫 hīng-hok sī tsi̍t-su tshīng kú ê sann 用生活補的彼領 iōng sing-ua̍h póo ê hit niá
老的啊 lāu--ê-ah 暗頓欲食啥 àm-tǹg beh tsia̍h siánn 我有炕一坩滷肉 guá ū khòng tsi̍t-khann lóo-bah 食飽你著陪阮 tsia̍h-pá lí tio̍h puê gún 來公園行行咧 lâi kong-hn̂g kiânn-kiânn--leh 順紲來去配你的目鏡 sūn-suà lâi-khì phuè lí ê ba̍k-kiànn
老的啊 lāu--ê-ah 你目頭一結 lí ba̍k-thâu tsi̍t kat 毋免講 m̄-bián kóng 我攏知影 guá lóng tsai-iánn 歡喜艱苦拖磨 huann-hí kan-khóo thua-buâ 遮人生的債 tsia jîn-sing ê tsè 當時會收煞 tang-sî ē siu-suah Find more lyrics at ※ Mojim.com 你藥仔敢食矣 lí io̍h-á kám tsia̍h--ah
↓↓---(女聲口白)---↓↓ 啊!老的啊 ah! lāu--ê-ah 你早起一直揣無的彼領獵裝 lí tsái-khí it-ti̍t tshuē-bô ê hit niá la̍h-tsong 我想起來矣 guá siūnn--khí-lâi-ah 四五冬前 sì-gōo-tang tsîng 咱細漢的吵欲挃 lán sè-hàn--ê tshá beh-ti̍h 你就予伊矣 lí tō hōo i--ah 看你揣甲氣怫怫 khuànn lí tshuē kah khì-phut-phut 敢若囡仔咧 kánn-ná gín-á--leh 你最近的血壓 lí tsuè-kīn ê hiat-ap 小可較夯矣喔 sió-khuá khah giâ--ah-ooh 愛較注意一下 ài khah tsù-ì--tsi̍t-ē 莫予我 mài hōo guá 不時佇你邊仔踅踅唸 put-sî tī lí pinn--á se̍h-se̍h-liām 我是恁某 guá sī lín bóo 毋是恁老母 m̄-sī lín lāu-bú 知無? tsai--bô? 啊!好來去睏矣 ah! hó lâi-hì khùn--ah ↑↑---(女聲口白)---↑↑
喙邊咬著薰 tshuì-pinn kā-tio̍h hun 沙微望窗外 sa-bui bāng thang-guā 飛去佗位啦 pue khì tó-uī--lah 幸福是一軀穿久的衫 hīng-hok sī tsi̍t-su tshīng kú ê sann 用生活補的彼領 iōng sing-ua̍h póo ê hit niá
老的啊 lāu--ê-ah 暗頓欲食啥 àm-tǹg beh tsia̍h siánn 我有炕一坩滷肉 guá ū khòng tsi̍t-khann lóo-bah 食飽你著陪阮 tsia̍h-pá lí tio̍h puê gún 來公園行行咧 lâi kong-hn̂g kiânn-kiânn--leh 順紲來去配你的目鏡 sūn-suà lâi-khì phuè lí ê ba̍k-kiànn
老的啊 lāu--ê-ah 你目頭一結 lí ba̍k-thâu tsi̍t kat 毋免講 m̄-bián kóng 我攏知影 guá lóng tsai-iánn 歡喜艱苦拖磨 huann-hí kan-khóo thua-buâ 遮人生的債 tsia jîn-sing ê tsè 當時會收煞 tang-sî ē siu-suah 你藥仔敢食矣 lí io̍h-á kám tsia̍h--ah
- Special thanks to W.B. Chen for correcting the lyric.
- Related Links: W.B. Chen
|