- Lyrics
- Album list
張羽偉
-
侯硐的一板橋
傳說中有一個所在 聽講黃金的源頭是從那來 那的故事有多精彩 伊的名有幾個人知 請你聽看麥 請你聽看麥
傳說中的那個所在 聽講今嘛靜靜倒在山裡 猴硐的故事是安怎來 猴硐的名有幾個人知 請你甲看麥 請你甲看麥 猴硐的天邊有一板橋 兩頭攏在燒 這頭牽在阿母的心肝 那頭阿爸不知跑去叨 阮的心裡有一板橋 兩頭夾在燒 這頭牽在子孫的手 那頭不知跑去叨 這頭牽著歷史 那頭呼阮找攏無
傳說中的那個所在 聽講有真多計畫甲未來 猴硐的歷史是安怎來 有人想要講呼恁知 請你聽看麥 請你去看麥
猴硐的身軀是一板橋 兩頭攏在燒 這頭牽著歷史 那頭想要跨過基隆河 阮的身軀嗎是一板橋 兩頭夾在燒 這頭牽在子孫的手 那頭不知跑去叨 這頭牽著歷史 那頭呼阮找攏無
------------------------------------------
21268/《猴硐的一板橋》Kâu-tông ê Tsi̍t-pán Kiô 張羽偉Tiunn Ú-uí 焦炭樂團Tsiau-thuànn Ga̍k-thuân
傳說中有一个所在 thuân-suat tiong ū tsi̍t-ê sóo-tsāi 聽講黃金的源頭 thiann-kóng n̂g-kim ê guân-thâu 是對遐來 sī uì hia lâi 遐的故事有偌精彩 hia ê kòo-sū ū guā tsing-tshái 伊的名有幾个人知 i ê miâ ū kuí-ê lâng tsai 請你聽看覓 tshiánn lí thiann khuànn-māi 請你聽看覓 tshiánn lí thiann khuànn-māi
傳說中的彼个所在 thuân-suat tiong ê hit ê sóo-tsāi 聽講這馬 thiann-kóng tsit-má 恬恬倒咧山內 tiām-tiām tó teh suann-lāi 猴硐仔的故事是按怎來 Kâu-tông-á ê kòo-sū sī-án-tsuánn lâi Find more lyrics at ※ Mojim.com 猴硐仔的名有幾个人知 Kâu-tông-á ê miâ ū kuí-ê lâng tsai 請你共看覓 tshiánn lí kā khuànn-māi 請你共看覓 tshiánn lí kā khuànn-māi
猴硐的天邊 Kâu-tông ê thinn-pinn 有一板橋 ū tsi̍t-pán kiô 兩頭攏咧燒 nn̄g-thâu lóng teh sio 一頭牽咧阿母的心肝 tsi̍t-thâu khan teh a-bú ê sim-kuann 彼頭阿爸毋知走去佗 hit-thâu a-pah m̄-tsai tsáu-khì toh
阮的心內 gún ê sim-lāi 嘛有一板橋 mā ū tsi̍t-pán kiô 兩頭鋏咧燒 nn̄g-thâu giap teh sio 一頭牽咧囝孫的手 tsi̍t-thâu khan teh kiánn-sun ê tshiú 彼頭毋知走去佗 hit-thâu m̄-tsai tsáu-khì toh 一頭牽咧歷史 tsi̍t-thâu khan teh li̍k-sú 彼頭予阮揣攏無 hit-thâu hōo gún tshē lóng bô
傳說中的彼个所在 thuân-suat tiong ê hit ê sóo-tsāi 聽講有真濟計畫佮未來 thiann-kóng ū tsin tsē kè-uē kah bī-lâi 猴硐的歷史 Kâu-tông ê li̍k-sú 是按怎來 sī-án-tsuánn lâi 有人想欲講予恁知 ū-lâng siūnn-beh kóng hōo lín tsai 請你聽看覓 tshiánn lí thiann khuànn-māi 請你去看覓 tshiánn lí khì khuànn-māi
猴硐的身軀 Kâu-tông ê sin-khu 是一板橋 sī tsi̍t-pán kiô 兩頭攏咧燒 nn̄g-thâu lóng teh sio 一頭牽咧歷史 tsi̍t-thâu khan teh li̍k-sú 彼頭想欲跨過基隆河 hit-thâu siūnn-beh khuà kuè Ke-lâng-hô
阮的身軀 gún ê sin-khu 嘛是一板橋 mā sī tsi̍t-pán kiô 兩頭鋏咧燒 nn̄g-thâu giap teh sio 一頭牽咧囝孫的手 tsi̍t-thâu khan teh kiánn-sun ê tshiú 彼頭毋知走去佗 hit-thâu m̄-tsai tsáu-khì toh 一頭牽咧歷史 tsi̍t-thâu khan teh li̍k-sú 彼頭予阮揣攏無 hit-thâu hōo gún tshē lóng bô
- Special thanks to W.B. Chen for correcting the lyric.
- Related Links: W.B. Chen
|