- Lyrics
- Album list
- Singer Intro
翁立友
-
人心
Lyricist:項仲為 Composer:項仲為 Arranger:尤景仰
有時風 有時雨 無厝無所在 今日春風明哪早 作風颱 隨著環境變化 來阻礙 人的心會變 舊會變壞 聽好清 看好明 時時來交代 咱要怎樣做人 卡實在 不倘辜負天地 命運的安排 咱常常清 常常要反省
親像看電影 親像在照鏡 咱是自己的導演 不哪是演員 怨恨做主 或是原諒來相送 劇本好壞甲己選
只有名 只有利 情義放忘記 壞年冬來接收 豐收年 不知何時應該來停止 任悲傷 演出這場戲 人的命 一生中 短短幾十年 會凍留後子兒 是什咪 人的心尚可貴 是什咪 用犧牲找生命的意義
我受害妳不甘 妳受苦我不肯 咱人有責任建設咱人的文明 用心肝來對待身邊每一個人 每日有笑有美夢 用心肝來對待身邊每一個人 每日有笑有美夢
------------------------------------------
9641/《人心》Jîn-sim 翁立友Ang Li̍p-iú
有時風 ū-sî hong 有時雨 ū-sî hōo 無厝無所在 bô tshù bô sóo-tsāi 今日春風 kim-ji̍t tshun-hong 明仔載做風颱 bîn-á-tsài tsuè-hong-thai 隨著環境變化來阻礙 suî tio̍h khuân-kíng piàn-huà lâi tsóo-gāi 人的心會變 lâng ê sim ē piàn 舊會變歹 kū ē piàn pháinn
聽予清 thiann hōo tshing 看予明 khuànn hōo bîng 時時來交代 sî-sî lâi kau-tài 咱愛怎樣做人較實在 lán ài tsuánn-iūnn tsuè-lâng khah si̍t-tsāi 毋通辜負天地命運的安排 m̄-thang koo-hū thinn-tē miā-ūn ê an-pâi 咱定定清 lán tiānn-tiānn tshing 定定愛反省 tiānn-tiānn ài huán-síng
親像看電影 tshin-tshiūnn khuànn tiān-iánn 親像咧照鏡 tshin-tshiūnn teh tsiò-kiànn 咱是自己的導演 lán sī tsū-kí ê tō-ián 毋但是演員 Find more lyrics at ※ Mojim.com m̄-nā sī ián-uân 怨恨做主 uàn-hūn tsuè-tsú 抑是原諒來相送 ia̍h-sī guân-liōng lâi sio-sàng 劇本好䆀家己選 kio̍k-pún hó-bái ka-kī suán
只有名 tsí-ū bîng 只有利 tsí-ū lī 情義放袂記 tsîng-gī pàng-buē-kì 歹年冬來接收豐收年 pháinn-nî-tang lâi tsiap-siu hong-siu nî 毋知何時 m̄-tsai hô-sî 應該來停止 ing-kai lâi thîng-tsí 任悲傷 jīm pi-siong 演出這場戲 ián-tshut tsit tiûnn hì
人的命 lâng ê miā 一生中 it-sing tiong 短短幾十年 té-té kuí tsa̍p-nî 會當留予囝兒 ē-tàng lâu hōo kiánn-jî 是啥物 sī siánn-mih 人的心上可貴 lâng ê sim siōng khó-kuì 是啥物 sī siánn-mih 用犧牲揣性命的意義 iōng hi-sing tshuē sìnn-miā ê ì-gī
我受害 guá siū-hāi 你毋甘 lí m̄-kam 你受苦 lí siū-khóo 我毋肯 guá m̄-khíng 咱人有責任 lán-lâng ū tsik-jīm 建設咱人的文明 kiàn-siat lán-lâng ê bûn-bîng 用心肝 iōng sim-kuann 來對待身邊每一个人 lâi tuì-thāi sin-pinn muí tsi̍t-ê lâng 每日有笑有美夢 muí-ji̍t ū tshiò ū bí-bāng
用心肝 iōng sim-kuann 來對待身邊每一个人 lâi tuì-thāi sin-pinn muí tsi̍t-ê-lâng 每日有笑有美夢 muí-ji̍t ū tshiò ū bí-bāng
- Special thanks to W.B. Chen for correcting the lyric.
- Related Links: W.B. Chen
|